Оздан Фарықә- иҧҳа Аҩӡҧҳа диит хәажәкыра 11 , 1975 ш . Германиа, Лангенфельд ақалақь . Лаби лан Леила Аргәынҧҳаи ирааӡеит хәҩык ахшара, аҧеи ҧшьҩык аҧҳацәеи. Абжьаратә школ ашьҭахь, Оздан дҭалоит Киольн ақалақь ауниверситетқәа руак, асоциал -педогогикатә факультет. Анаҩс далгоит амагистратура , убас илыхьчоит адоктортә диссертациа. Аамҭакәак рзы аус луан Киольн ауниверситет аҿы рҵаҩыс , аҭаацәа рыхьчара аминистрраҟны. Оздан даныҩнраха , лцҧшәма Али- Исхан Сергьегьиа( Чыкь-иҧа) дицны Ҭырқәтәылаҟа дааит. 2000 ш. раахыс Сақариа дынхоит. Аҭыҧантәи ауниверситетқәа руак аҟны аус луеит, дыпрофессоруп. Лҭаацәаратә ҭоурых далацәажәо , Оздан илҳәеит иахьа Германиа ишынхо Аҩӡаа рабиҧарақәа15 . Лаб иашьеиҳабы Четин еиуеиҧшым атәылақәа рҟны консулс дыҟан. Амҳаџьырраан Оздан Аҩӡҧҳа лабду иабду Шәлимани , иашьа Ҳалии раб иашьа Ҳаџьымаҟәеи, уи иҧацәа Маҭамеи , Салмаҟи ирыцны Ҭырқәтәыла , Синоп иӡхыҵит. Аашықәса Барҭын ақалақь иҟан, устәи Диузџье иааны ,Гәыма ақыҭа, аҧсуаа рыгәҭа инхеит. 1967 ш. Оздаг лҭаацәа Германиаҟа ицеит, Ҭырқәтәыла , аамҭала аамҭала иахьынхоз ,ҧсабарала еиҧшыз аҭыҧ нхарҭас иалырхит. Аҧсны Аџьынџьтәылатә еибашьра алагаанӡа , аҧсуа быргцәа рансамбль агострольқәа рыманы . Германиа ианыҟаз , аколлектив иалаз еихшаны ҳџьынџьуаа ирыдыркылеит.” Ҳара ҳаҩны аҧсуа быргцәа ҩымчыбжь иаҳҭан. Уи гәырӷьара духеит ҳҭаацәараҿы . Аӡыхь еиҧш ицқьаз ҳхатәы бызшәа ҳзырҳаз ,ҳҭоурых абла ҳҭазырҧшыз , ҳаҧсуара иаҵоу адоуҳамч атәы ҳазҳәаз аҭаҳмадацәа рыбзоурала ҳгәаҵаҿы иит ҳаҧсадгьыл ахь ҵҩа змам абзиабара, ҳгәы рзыблит ҳауаажәлар-ҳәа азгәалҭоит Оздан. Оздан Аҩӡҧҳа ҩыџьа ахшаара лымоуп, аҧа . Баҳаџьани аҧҳа . Берраи..Ҳџьынџьуаҩ лассы-лассы дазхәыцуеит . Аҧсныҟа аара. Лара илҭахәп ишынҭаацәоу рыҧсадгьыл рбарц , уимоу нхара иаанхарц
Ахыҵхырҭа: Саида. Ажьиҧҳа
