Езель Џьиҳаҭ – иҧа Ақаҩба
Еицырдыруа Ҭырқәтәылатәи арежиссиор , актер
Езель Џьиҳаҭ – иҧа Ақаҩба диит ажьырныҳәа 20, 1961 ш. Бурса ақалақь, аҭаацәараҟны ирызҳаит хҩык аҧацәа . Амҳаџьырра ашықәсқәа раан, Езель иабду иаб Ҳаарун Акаҩба иоуп Аҧснынтәи хықәкыла Аҟәантәи Ҭырқәтәылаҟа иахнагаз. Атәым дгьыл аҟны зшьапы азыркыз ҳауаажәлар абиҧарала еимырдон рбызшәа , рҭоурых . Аха егьа умҳәан, аамҭеи аҭагылазаашьеи дара ртәы ҟарҵоит . Езель иџьынџьдгьыл азын игәы былуеит , аха иахьа аҧсшәа издырӡом. Абжьаратә ашкол ашьҭахь , Сҭампыл ақалақь анџьныр- механик изаанаҭ ала ауниверситет аҿы аҵара хыркәшаны , анаҩс Америка, Филадельфиа атеатралтә ҵараиурҭа қәҿиарала далганы , Езель Сҭампылҟа дхынҳәны аӡыргаратә фильмқәа ррежиссиорс аусура далагоит. 25.ш.ирылагӡаны иара инапы иҵыҵхьеит зқьы инареиҳаны аусумҭақәа . Иахьа . Ҭырқәтәыла , зегь раасҭа еиҳаны аӡыргаратә фильмқәа ҭызхьоу х-ҩык арежиссиорцәа рыгәҭа дыҟоуп Езель . Ақаҩба икиногәыҧ иҭнаххьоу афильмқәа иреиуоуп . “Аӡхыҽҽа ” “Ҳурмуз лзы быжь-хаҵак “, ” Бабаҟоу Фируза” , “Амрахь аныҟәара” , ” Агага зшьыда” , ” Адам идәыӷбақәа” , “Цыгәхыршәҭ аҭоубыҭ аҟны” ,. “Акарпыжә ацәа иалху анышьқәа” , Ақаҭа 2.0 Араҟа арольқәа назыгӡо рхыҧхьаӡараҿы иҟоуп 20-ҩык аҧсуааи адыгааи рхаҭарнакцәа. Зхаҿсахьа еинаалоу, зыбла гәыҭбаақәа ауаҩы дадзыҧхьало Езель Акаҩба адунеи аҟны деицырдыруеит актиорк иаҳасабалагьы. Иара дыхәмаруеит асериалқәа ҩба рҟны, убас 28 фильм рҿы. Изаанаҭ ала аусура инаваргыланы , Езель абизнесгьы инапы алакуп , Сҭампыл ақалақь аресторанқәа ҩба драҧшәымоуп. Амҳаџьырра зыхҟьаз аҭоурыхи , уи иазкны ҳажәлар ирзаанагаз арыцҳареи ҭызҵаз. Езель игәы иҭоуп уи иазкны афильм аҭыхра. Сзаанаҭ аҟны сшьақәгылеит ҳәа ианысыҧхьаӡо убасҟан ауп, сџьынџьдгьыл а-19тәи ашәышықәсазы иахнагаз агәаҟреи, аишьцәа реиҟәыҭхареи, анаҩстәи реигәныҩреи иазкны афильм анҭысхлакь -иҳәоит Аҧсныҟа аара згәы азыҳәоу арежиссиор. Езель Ақаҩба дҭаацәароуп , димоуп 20 ш.зхыҵуа заб изаанаҭ алызхыз аҧа Ҳасан.
Ахыҵхырҭа :С. Ажьиҧҳа
Амра ашәахәақәа
