Ерол Шьааҳин -иҧа Қәышьба
Ашәҟәҭыжьырҭа аиҳабы
Ерол Шьааҳин -иҧа Қәышьба диит мшаҧы 21.1960 ш. Есқьишьеҳир ақалақь аҟны . Иаби иан Едибе Агааҧҳаи ирааӡеит хҩык ахшара, ҩыџьа аҧацәеи аҧҳаи. Абжьаратә школ ашьҭахь , Ерол дҭалоит Есқьишьеҳир ақалақь ауниверситетқәа руак аекономикатә факультет. Анаҩс Сҭампыл , Аҳәынҭқарратә аихамҩатә усбкрҭаҟны, дахылаҧшуан аусуцәа ргәыҧ.1985 ш.. Ерол инапы алеикуеит ажурналистика . Есымзатәи , еиуеиҧшым 12 журнал ахьҭыҵуаз аредакциаҿы аус иуит, убас аинформациатә агентра ” IHA “аҟны. 2015ш.,Ерол Қәышьба Сҭампыл ақалақь ашәҟәҭыжьырҭа ааиртуеит. Араҟа , Кавказ иадҳәалоу ашәҟәыҩҩцәа рҩымҭақәа аҭырқәшәахь еиҭаганы иаздырхиоит. Ерол Қәышьба , Ҭырқәтәыла Кавказ ахаҭарнакцәа злахәу, аофициалтә, аполитикатә, аплиуралисттә- демократиатә партиа аҧҵаҩцәа дыруаӡәкуп , уи ахантәаҩы дихаҭыҧуаҩуп. Амҳаџьырра ашықәс еиқәаҵәақәа дрылацәажәо , Ерол иҳәеит иабду иаб Аҳмеҭи, аашықәса зхыҵуаз иҧа хәҷы Али ахҵәара ишақәшәаз Ҟарачы-. Черқьесск, Псыж ақыҭантәи , Ҭырқәтәыла , Сивас ақалақь аизааигәара нхара иааит. Ҭырқәтәылаҟа иахнагаз Ахмеҭ иашьцәа, арантәи Шььамтәылаҟа ицазаап. Урҭ ирхылҵыз аӡәырҩы уажәшьҭа Аҧсны инхоит. Шьамтәылантәи , Аҧсны Аџьынџьтәылантәи еибашьраан, ҳауаажәлар ирывагылаз дреиуоуп сабду иаб иашьа ишьмоҭа Аҳмеҭ Кәышьба . Аибашьра ашьҭахь иара уа анхара далагеит , иҭаацәарагьы ишьҭаланы инеит-ҳәа ҳалиркааит ҳџьынџьуаҩ. Ерол иаби иареи 1993 ш.. Бзыҧҭа аҩны рырҭеит. Аамҭакы иаанханы , Ҭырқәтәылаҟа рыуацәа рбарц ианца, зхаҭара шьақәыргылам џьоукы ирблызаап.1994 ш.ҳџьынџьуаҩ Аҧсны дааны данца , аибашьра иазкыз аматериалқәа еидкыланы , Ҭырқәтәыла акьыҧхь аҿы ицәыригеит Ерол Қәышьба дҭаацәароуп . Имоуп ҧшьҩык аҧҳацәа Зеинеби , Елифи, Едибеи, Аишье-Шьандеи, убас аҧа- Аҳмеҭ- Шьамиль.
Ахыҵхырҭа: С. Ажьиҧҳа
Амра ашәахәақәа