Доушь Џьенгьиз-иҧа Ашәба
Ахаҧыц ҳақьым
Доушь Џьенгьиз -иҧа Ашәба диит хәажәкыра 21, 1989 ш. Анкара ақалақь. Иаби иан Нурҳан Ҳагәышьҧҳаи ирааӡеит ҩыџьа аҧацәа. Доушь абжьаратә школ ашьҭахь , . Анкаратәи иреиӷьу амедицинатә университетқәа руак аҟны , ахаҧыц ҳақьым изаанаҭ иоуит. Анаҩс , ҧшьышықәса ахаҧыцҟаҵарҭаҟны аус иуит. Ишынҭаацәоу Адаҧазар ақалақь ахь нхара ианиаслак, Доушь иҧшәма ҧҳәыси иареи ихдыртуеит рхатәы ахаҧыцҟаҵарҭатә клиника. Доушь ицәажәашьала еилукаауеит иаҧсуареи , иуаажәлар знысыз аҭоурыхтә мҩеи иҧсҭазаараҿы аҭыҧ ҷыда шааныркыло. Аамҭа хьанҭақәа дрызхьаҧшуа ҳџьынџьуаҩ иҳәеит, амҳаџьырра аан, Аҧснытәи . Ҭырқәтәылаҟа иахнагаз иаб иабду Ҭамшьыгә шиакыз. Иахьынӡаҳдыруа, саб иабду Аҟәантәи иқәҵқәаз дреиуан, Ҭамшьыгә ихьӡын. Ҭырқәтәылаҟа ианаа, уи иҧа Шьаақьыр агара дышгараз , Ҭамшьыгә Османтәи аимпериа иахагылаз аибашьрахь дрышьҭуеит, уаҟа дагьҭахоит. Сабдугьы ҳаоа ҳшыхәыҷқәаз адунеи иҧсахит . Хаҭала аҭоурых зкьысыз ауаа аҭаацәара ианрыҧха , ирышьҭанеиуаз абиҧара рыҧсадгьыл аӡбахә лымҳаҭасла акәын ишраҳауаз, уимоу ахатәы бызшәашьы амч ацәыӡит – еиҭеиҳәоит амоҭа. Доушь аҧсшәа бзианы иахьиаҳауаз ианшьцәа Ҳагәшьаа рахь аангылара данцалоз ауп. Иахьа ибызшәала дзымцәажәозаргьы еиликаауеит. Шаҟа ирыцҳароузеи ухатәы бызшәа анузымдыруа, ууажәлар рҿаҧхьа уҿаҳазшәа уҟалоит, насгьы утәымуаҩызшәа ухы унарбоит. Хымҧада, аҭагылазаашьа аҧсахразы ҳарҭ аҿар иҳалшо рацәоуп. Ажәытәан ҳабдуцәа рхаан , аӡәы аҧсуа нбанк аниҧыхьашәалак ихала аҧхьашьеи аҩышьеи иҵон. Иахьа алшарақәа рацәахеит абызшәа адырразы , убри ҳхы иаҳархәароуп хәыҷи-дуи иҳәоит иара. Доушь Ашәба ианшьцәа Ҳагәшьаа . Аҧсны , Калдахәара ақыҭантәи ихырҵәаз ракәын. Дара рыҧсадгьыл ахь ицахьеит, ирбеит рабдуцәа рыдгьыл. Ҳагәшьаа ражәақәа рыла Доушь идыруеит Аҧснытәи аҧсабара аҧшӡареи, аҳауа зҩыдеи ртәы. Арҧыс иҧшәма ҧҳәыс диманы игәы иҭоуп иџьынџьдгьыл аҭаара , иашьцәа рабадырра.
Ахыҵхырҭа: С. Ажьиҧҳа
Амра ашәахәақәа