АԤСУА АН!
Аԥсуа ан! Баԥсуара мыӡааит,
Бхәышҭаарамцаҿ бымцахә ҿымцәааит!
Бгарашәа ҩныҩлааит аԥсуа ҩнаҭа,
Аччаԥшь аҿықәзааит еснагь ба блақҭа!
Аԥсуа ан! Быбызшәа бцәымӡааит,
Ибыхшаз, ирыхшаз гәыблырас ишьҭырхааит.
Абжьы ссир зхоу быбызшәа агәра га,
Уи бацәыԥхамшьан, бҿахәы арҳәала.
Аԥсуа ан! Аԥсадгьыл бацәымӡааит,
Быдгьыл гәакьаҿ баԥшәымара баԥхамзааит!
Аҵеи рацәа азгылааит ба была Аԥсынра.
Еиқәнархааит бныҳәаԥхьыӡ ибыхшааз рыԥсынҵра!
ЛИЛИ ҞАИТАН
